जहाँ तगारो पन्छाएर गाउँ छिर्न बाध्य छन् सवारी चालक

पोखरा- एउटा यस्तो गाउँ जहाँ तगारो पन्छाएर सवारी-साधन चलाउनुपर्छ। खोलेको तगारो नलगाएमा जरिवाना तिर्नुपर्छ। गाउँ छिर्दा र बाहिरिँदा सडकमा तेर्स्याइएका दुई वटा फलामे तगारा पार गर्नुपर्छ। यो कास्कीको चिप्ली गाउँको अवस्था हो।

तगाराको माथिपट्टि सानो सूचना पाटी राखिएको छ। सूचनामा लेखिएको छ, ‘सवारी चालकज्यूहरु, कृपया तगारो लगाउनुहोला। यदि तगारो नलगाएमा जरिवाना रु पाँच सय तिर्नुपर्नेछ। तपाईंलाई हेरालाले लुकेर हेरिरहनुभएको छ, धन्यवाद।’