रमण कन्स्ट्रक्सनसहित ११ निर्माण कम्पनी कालोसूचीमा

सुनकोशी मरिन डाइभर्सन बहुउद्देश्यीय आयोजनाको ठेकेदारकम्पनी रमणसहित ११ कम्पनी कालोसूचीमा परेका छन्। तोकिएको अवधिभित्र निर्माण पूरा नगरेको भन्दै ११ कम्पनी कालोसूचीमा परेका हुन्।

‘सार्वजनिक निकायहरुबाट लेखी आए बमोजिम सार्वजनिक खरिद ऐन, २०६३ को दफा ६३ को उपदफा (१) बमोजिम ११ निर्माण व्यवसायी / आपूर्तिकर्ताहरूलाई देहायको अवधिसम्म कालोसूचीमा राखिएकोले उक्त निर्माण व्यवसायी/आपूर्तिकर्ताहरुले कालोसूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नसकने व्यहोरा सम्बन्धित सबैलाई जानकारी गराइन्छ,’ सार्वजनिक खरिद अनुगमन कार्यालयले जारी गरेको सूचनामा भनिएको छ।