तुलसीपुरमा दुई अटो एक-आपसमा ठोक्किँदा ९ जना घाइते

दाङ । दाङको तुलसीपुर उपमहानगरपालिका–१३ अम्बापुर स्थित फूलबारी क्षेत्रमा दुईवटा अटो एक-आपसमा ठोक्किँदा ९ जना घाइते भएका छन्। घाइतेमध्ये एक जनाको अवस्था गम्भीर रहेको छ।

फूलबारीबाट तुलसीपुरतर्फ आउँदै गरेको रा १ ह ४४६५ नम्बरको अटो र विपरीत दिशाबाट जाँदै गरेको रा १ ह ७१४७ नम्बरको अटो एक-आपसमा ठक्कर खाँदा यो दुर्घटना भएको हो। दुर्घटनामा रा १ ह ४४६५ नम्बरका अटो चालक तुलसीपुर–१३ बस्ने २२ वर्षीय विक्रम चौधरी गम्भीर घाइते भएका छन्।