जेठ १६ देखि निजी स्वास्थ्य संस्थामा आकस्मिक बाहेकको सेवाका लागि स्वास्थ्य बीमा बोर्डले भुक्तानी नदिने

काठमाडौं- स्वास्थ्य बीमा बोर्डले बढ्दो वित्तीय संकटलाई कारण देखाउँदै निजी स्वास्थ्य संस्थामा आकस्मिक सेवा बाहेकका सबै बीमा सेवाहरू स्थगित गर्ने निर्णय गरेको छ। बोर्डको बैठकले गरेको निर्णय अनुसार यो व्यवस्था मिति २०८३ साल जेठ १६ गतेदेखि लागू हुनेछ।

स्वास्थ्य बीमा बोर्डका अनुसार बोर्ड बैठक (मिति २०८३/०२/११) ले गरेको निर्णयअनुसार नेपाल सरकारको स्वास्थ्य बीमा कार्यक्रममा आबद्ध निजी स्वास्थ्य संस्थाबाट प्रदान गरिँदै आएका आकस्मिक बाहेकका अन्य सम्पूर्ण बीमा सेवाहरू अर्को निर्णय नभएसम्मका लागि स्थगन गरिनेछ।