म्याथियसको गोलमा ब्राजिलले लियो अग्रता

६ असार, काठमाडौं । फिफा विश्वकप २०२६ मा ब्राजिलले हाइटीविरुद्ध अग्रता लिएको छ ।

फिलाडेल्फिया स्टेडियममा जारी खेलमा म्याथियस कुन्हाको गोलमार्फत ब्राजिलले अग्रता लिएको हो । म्याथियसले खेलको २३औं मिनेटमा गोल गर्दै टोलीलाई अग्रता दिलाएका हुन् ।

यसअघि खेलको १२औं मिनेटमा ब्राजिलका राफिन्हाले गोल गरेपनि अफसाइड हुँदा मान्यता पाएन । ३० मिनेटको खेल सकिँदा ब्राजिलले हाइटीमाथि दबाब सिर्जना गरिरहेको छ ।

पहिलो खेलमा ब्राजिलले मोरक्कोसँग बराबरी खेल्दा हाइटी स्कटल्यान्डसँग पराजित भएको थियो ।