रमितेका आठ घर पहिराको उच्च जोखिममा

सङ्खुवासभा सदरमुकाम खाँदबारी नगरपालिका–५ रमितेका आठ घर पहिराको उच्च जोखिममा परेका छन् ।

गाउँमाथिबाट जमिन चिरिएर लगातार पहिरो खसिरहेको र वर्षा भइरहेकाले रमेतेका घरहरू जोखिममा परेका हुन् । पहिरो गएको ठाउँमा दुई वटा ठूला ढुङ्गा रहेकाले पहिरासँगै ढुङ्गा खस्ने खतरा बढेको स्थानीय रामबहादुर गुरुङले बताउनुभयो । पहिराका कारण दिनरात त्रास बढेको गुनासो गर्दै उहाँले स्थानीय सरकारले ढुङ्गा हटाउन सहयोग गर्नुपर्ने बताउनुभयो ।