बाढी प्रभावित बालबालिकाको संरक्षणलाई प्राथमिकता दिँदै राष्ट्रिय बाल दिवस मनाउन आग्रह

राष्ट्रिय बाल अधिकार परिषद्ले यस वर्षको राष्ट्रिय बाल दिवस बाढी प्रभावित बालबालिकाको संरक्षण र सुरक्षालाई प्राथमिकतामा राखेर मनाउन आग्रह गरेको छ।

परिषद्ले भदौ २९ गते मनाइने राष्ट्रिय बाल दिवसका अवसरमा बालबालिकाको उद्धार, राहत, संरक्षण, अस्थायी संरक्षण, परिवारको खोजतलास तथा पुनर्मिलनलाई प्राथमिकतामा राख्न सम्बन्धित सरोकारवाला निकाय, विद्यालय, संघसंस्था तथा नागरिक समाजलाई आग्रह गरेको हो।