धोनीको विष्फोटक इनिङ तर पहिलो पटक हार्‍यो चेन्नई

इन्डियन प्रिमियर लिग (आइपिएल) मा जारी सिजन पहिलो पटक ब्याटिङ गरेका महेन्द्र सिंह धोनीले विष्फोटक इनिङ खेलेपनि चेन्नई पहिलो पटक पराजित भएको छ। आइतबार राति दिल्लीले सिजनमा पहिलो जित निकाल्ने क्रममा चेन्नईलाई २० रनले पराजित गर्न सफल भयो।

आठौं नम्बरमा ब्याटिङका लागि क्रिजमा आएका धोनीले विष्फोटक इनिङ खेलेपनि त्यो टिमका लागि ढिला भइसकेको थियो। चेन्नई तेस्रो खेलमा पहिलो हार भोग्न बाध्य भयो। दिल्लीको भने यो तेस्रो खेलमा पहिलो जित हो।