इजरायलमा २३ सय नेपाली कामदारका लागि रोजगारी खुल्यो, अनलाइनबाटै यसरी दिनुहोस् आवेदन

काठमाडौँ । वैदेशिक रोजगार विभागले इजरायलका दीर्घकालीन स्याहार केन्द्रहरू (Long Term Care Facilities) मा सहायक कामदार (Auxiliary Workers) का लागि ठुलो संख्यामा आवेदन खुला गरेको छ । नेपाल सरकार र इजरायल सरकारबिच भएको श्रम सम्झौताअनुसार कुल २३ सय जना नेपाली कामदारको माग गरिएको हो ।

जसमध्ये ४० प्रतिशत (९२० जना) पुरुष र ६० प्रतिशत (१ हजार ३८० जना) महिलाका लागि कोटा निर्धारण गरिएको छ । छनोट हुने कामदारले मासिक ६ हजार ४४३.८५ इजरायली शेकेल अर्थात् ३ लाख ४७ हजार रुपैयाँ बढी पारिश्रमिक पाउनेछन् । हप्तामा ६ दिन (कुल ४२ घण्टा) काम गर्नुपर्ने र नियमअनुसार ओभर टाइम तथा वार्षिक बिदाको सुविधा उपलब्ध हुने सूचनामा उल्लेख छ ।