वीरमा दुर्लभ शल्यक्रिया : मस्तिष्कमा फुलेका ६ रक्तनली एकैपटक बन्द गरियो

२७ भदौ, काठमाडौं । करिब १० दिनदेखि ४७ वर्षीया रिता देवीको टाउको लगातार दुखिरहेको थियो। दुखाइ कम नभएपछि उनी वीर अस्पताल पुगिन्। परीक्षण गर्दा चिकित्सकले मस्तिष्कमा एउटा रक्तनली फुटेर रक्तस्राव भएको पत्ता लगाए।

थप जाँचका लागि गरिएको सीटी एन्जियोग्राफीले अवस्था झन् गम्भीर देखायो- उनको मस्तिष्कका विभिन्न स्थानमा सातवटा एनेरिज्म रहेछन्। त्यसमध्ये एउटा फुटिसकेको थियो।