हाइटीविरुद्ध ब्राजिल विजयी

काठमाडौं । विश्वकपमा समूह चरणको दोस्रो खेलमा ब्राजिलले हाइटीविरुद्ध फराकिलो गोलअन्तरले विजयी भएको छ । ब्राजिल ३-० गोलसहित विजयी भएको हो ।

ब्राजिलका लागि म्याथ्यु कुन्हाले दुई र भिन्सियस जुनियरले एक गोल गरे । कुन्हाले खेलको ११ औँ मिनेटमा पहिलो गोल गरेका थिए । दोस्रो गोल उनले २३ औँ मिनेटमा गरे ।

यस्तै, भिन्सियसले खेलको ३६ औँ मिनेटमा गोल गरेका थिए । समूह सीको दोस्रो खेलपछि ब्राजिलले विश्वकप २०२६ को पहिलो जित दर्ता गराएको हो ।

२००२ यताका विश्वकपमासमूह चरणको खेलमा ब्राजिलले तीन गोल गरेको यो पहिलोपटक हो । ५६ वर्षपछि विश्वकपमा सहभागी भएको हाइटी दुवै खेलमा गोलविहीन भएको छ ।

यसअघि ब्राजिल मोरक्कोसँग बराबरीमा रोकिएको थियो । हाइटीले भने समूह चरणका दुवै खेलमा हार व्यहोरेको छ । यसअघि हाइटी स्कटल्याण्डसँग पराजित भएको थियो । जितसँगै ब्राजिलले तालिकामा चार अंक जोडेको छ ।

#फुटबल

#ब्राजिल

#हाइटी

#विश्वकप