संस्कृत विश्वविद्यालयको पदाधिकारी नियुक्ति प्रक्रिया सुरु, १० दिनभित्र दरखास्त दिनुपर्ने

काठमाडौँ । सरकारले नेपाल (महेन्द्र) संस्कृत विश्वविद्यालयका रिक्त पदाधिकारी नियुक्तिका लागि प्रक्रिया सुरु गरेको छ । विश्वविद्यालयको उपकुलपति, शिक्षाध्यक्ष र कुलसचिव नियुक्तिका लागि नाम सिफारिस गर्न गठित छनोट तथा सिफारिस समितिले आज सूचना प्रकाशित गरी दरखास्त आव्हान गरेको हो ।

समितिले यही जेठ ११ मा स्वीकृत “नेपाल संस्कृत विश्वविद्यालयका उपकुलपति, शिक्षाध्यक्ष र कुलसचिव छनोट तथा सिफारिससम्बन्धी कार्यविधि, २०८३” बमोजिम दरखास्त आव्हान गरिएको छ ।