रास्वपा महाधिवेशन उद्घाटनमा ओली नजाने, पदाधिकारीलाई नपठाउँदा ज्ञवाली जाने

काठमाडौं– राष्ट्रिय स्वतन्त्र पार्टी (रास्वपा)को पहिलो महाधिवेशनको उदघाटनमा शुभकामनाका लागि नेकपा एमालेका तर्फबाट नेता प्रदीप ज्ञवालीलाई पठाइने भएको छ।

चितवनमा आइतबारदेखि सुरु हुन लागेको महाधिवेशनमा अन्य प्रतिपक्षी दलका नेतालगायतलाई पनि शुभकामनाका लागि निम्तो दिइएको छ।

एमाले अध्यक्ष केपी शर्मा ओलीको सचिवालयका अनुसार स्वास्थ्यका कारणले उपत्यका छाड्न नमिलेका कारण ज्ञवालीलाई पठाउने निर्णय गरिएको हो।

एमालेका महासचिवलगायतका कोही पनि पदाधिकारीलाई सहभागी नगराइने हुँदा पूर्वउपमहासचिव ज्ञवाली जाने निधो भएको बताइन्छ।