देशभर किन बढ्यो रेबिजविरुद्ध खोपको अभाव ?

काठमाडौँ । देशभर माग अनुसार रेबिजविरुद्धको भ्याक्सिन (खोप) आपूर्ति हुन सकेको छैन । माग उच्च हुने र भ्याक्सिन आपूर्ति न्यून मात्रामा हुने हुँदा केही दिन यता भ्याक्सिन अभाव सिर्जना भएको हो ।

जिल्ला अस्पताल धादिङका प्रमुख डा. नवीन महासेठले सरकारले माग अनुसार भ्याक्सिन उपलब्ध नगराएपछि संस्थाबाट भ्याक्सिन किनेर जोहो गर्न बाध्य भएको बताए । उनले भने, ‘भ्याक्सिनको अभाव छ । माग बढी भएपछि संस्थाबाट किनेर खोप ल्याउनुपरेको छ ।’