सरकारको ९० अर्ब ४२ करोडभन्दा बढी ‘अबन्डा बजेट’, आर्थिक विचलन र विकृति निम्त्याउने आशंका

काठमाडौं ।आगामी आर्थिक वर्षको लागि सरकारले सार्वजनिक गरेको व्यय अनुमान विवरण उल्लेख गरेको रातो किताबमा अवन्डा भनिने विविध खर्च शीर्षकअन्तर्गत आकस्मिक र भैपरी आउने खर्चका लागि ९० अर्ब ४२ करोड ९५ लाख रुपैयाँ विनियोजन गरेको छ । अर्थमन्त्रालयको जिम्मामा रहने गरि उक्त रकमको खर्चलाई दुई मुख्य भागमा वर्गीकरण गरिएको छ ।

यस शीर्षकमा चालु खर्चतर्फ ८१ अर्ब ५३ करोड ९५ लाख रुपैयाँ, पुँजीगततर्फ ८९ करोड र वित्तीय व्यवस्थापन तर्फ आठ करोड रुपैयाँ विनियोजन गरिएको छ । यो बजेट मुख्य रूपमा अन्य मन्त्रालयहरूमा बाँडफाँट हुन बाँकी र भैपरी आउने विशेष कार्यहरूका लागि प्रयोग गरिन्छ ।