कल सेन्टरमा प्रश्न : ‘चुनाव चिह्न केके छन् ?’

काठमाडौं : प्रतिनिधि र प्रदेशसभाको निर्वाचनलाई लक्षित गरेर निर्वाचन आयोगले कल सेन्टर सुरु गर्‍यो। मतदाता शिक्षा र निर्वाचनसँग सम्बन्धित गुनासो र प्रश्नलाई समाधान गर्न सुरु भएको कल सेन्टरमा अन्य विषयभन्दा ‘चुनाव चिह्न केके छन्’ भन्ने प्रश्न धेरै आउने गरेको आयोगका कर्मचारी बताउँछन्।

निर्वाचन आयोगका सहायक प्रवक्ता कमल भट्टराई भन्छन्, ‘चुनाव चिह्न र मतदाता नामावलीका प्रश्न धेरै आएका छन्। यी प्रश्नलाई हेर्दा मतदाता शिक्षा अझै धेरै दिन आवश्यक छ भन्ने देखिन्छ। तर, यो कल सेन्टर धेरै प्रभावकारी भएको हाम्रो बुझाइ छ।’