मनाङेको भाग्य, बने ६ पटक मन्त्री

पोखरा । राजीव गुरुङ (दीपक मनाङे)ले प्रदेशसभामा छैटौंपटक मन्त्रीको रेकर्ड कायम गरेका छन् । गण्डकी प्रदेशको मनाङ १(ख) बाट स्वतन्त्र सांसदका रूपमा प्रदेशसभामा निर्वाचित उनी सत्ताका खेलाडी हुन् । अझ भनौं अंकगणितमा निर्णायक उनी जुन दलको नेतृत्वमा सरकार बने पनि उतै मन्त्री बनिहाल्छन् ।

विगतमा गुन्डागर्दीको छवि बनाएका मनाङेविरुद्धको मुद्दा अझै पनि सर्वोच्च अदालतमा विचाराधीन छ । तर, ६० सदस्यीय प्रदेशसभामा जहिल्यै बहुमतको समीकरणमा निर्णायक उनलाई बाध्यतात्मक रूपमा मन्त्रीको पगरी गुथिने गरिएको छ ।