बालोगुन, नागरिकता र आप्रवासनसम्बन्धी बहस

घरेलु भूमिमा जारी फिफा विश्वकप २०२६ मा अमेरिकाले दक्षिण अमेरिकी राष्ट्र पाराग्वेमाथि जित निकाल्दाका नायक हुन्, फोलारिन बालोगुन। एङ्गलवुडस्थित लस एन्जलस स्टेडियममा अमेरिका बलियो मानिएको पाराग्वेमाथि पूर्ण हाबी भएपछि सबैभन्दा बढी चर्चा भएका खेलाडी हुन् बालोगुन। समूह ‘डी’ को उक्त प्रतिस्पर्धाको नतिजा अमेरिकाको पक्षमा ४–१ ले रह्यो। उद्घाटन खेलमा दुई गोल गर्दै अमेरिकालाई सानदार सुरुआत दिलाएका बालोगुन अहिले टोलीका प्रमुख आशा बनेका छन्। तर उनको कथा फुटबलमा सीमित छैन। उनको जीवनकथा अहिले अमेरिकामा चर्किरहेको नागरिकता र आप्रवासनसम्बन्धी बहससँग पनि गाँसिएको छ।

विडम्बना के छ भने अमेरिकी राष्ट्रपति डोनाल्ड ट्रम्पले प्रस्ताव गरेको जन्मसिद्ध नागरिकतासम्बन्धी कडा नीति लाग् भएको भए बालोगुन आज अमेरिकी नागरिक नै बन्न नसक्ने थिए। २४ वर्षे बालोगुन नाइजेरियाली अभिभावकका सन्तान हुन्।