घरबाटै लागूऔषध कारोबारी पक्राउ
annapurnapost.com · Sat Apr 30 00:48:00 GMT 2022
राजविराज : घरमै भण्डारण गरी लागूऔषध बिक्री गर्दै आएका एक युवालाई शुक्रबार प्रहरीले ठूलो परिमाणको लागूऔषधसहित पक्राउ गरेको छ। जिल्ला प्रहरी कार्यालय सप्तरीले शुक्रबार पत्रकार सम्मेलन गरी बोदेबर्साइन नगरपालिका–९ देउरीस्थित घरबाट लागूऔषधसहित पक्राउ परेका १९ वर्षीय शंकर यादवलाई सार्वजनिक गरेको छ।
यादवले घरबाट लागूऔषध बिक्री वितरण गर्दै आएको सूचना पाएर पुगेको इलाका प्रहरी कार्यालय कडरबोना र जिल्ला प्रहरी कार्यालय सप्तरीको संयुक्त टोलीले लागूऔषधसहित उनलाई पक्राउ गरेको हो। इलाका प्रहरी कार्यालय कडरबोना सप्तरीका प्रहरी निरीक्षक बालिस्टर सिंहका अनुसार यादवको घरबाट १ हजार २५० ट्याब्लेट नाइट्रोभेट–१० तथा ७५०/७५० एम्पुल डाइजेपाम, फेनारगन र नुफिन बरामद गरिएकोे डीएसपी माधवप्रसाद काफ्लेले बताए।
स्रोतमा पूरा पढ्नुहोस् (annapurnapost.com)