निष्पक्ष निर्वाचनका लागि शान्ति सुरक्षा सुदृढ हुनु आवश्यक: उपसभापति गुरुङ

मोरङ । नेपाली कांग्रेसका उपसभापति धनराज गुरुङले वर्तमान सरकारले स्वतन्त्र एवं निष्पक्ष निर्वाचनका लागि शान्ति सुरक्षा सुदृढ गर्नुपर्ने बताएका छन् ।

नेपाल वित्तीय संस्था कर्मचारी सङ्घ, कृषि विकास बैंकको दुई दिने आठौँ केन्द्रीय परिषद् भेलाको बिहीबार विराटनगरमा उद्घाटन गर्दै उपसभापति गुरुङले दलहरूलाई कुनै अवरोधबिना आफ्ना गतिविधि गर्ने व्यवस्था भएमा मात्र निर्वाचन सफल एवं शान्तिपूर्ण रूपमा हुने धारणा राखे । ट्रेड युनियन प्रजातन्त्रको खम्बा भएको चर्चा गर्दै उनले कर्मचारीको ठुलो आन्दोलनका कारण मुलुकमा प्रजातन्त्र पुनः स्थापना भएको धारणा राखे ।