पोखरा महानगरपालिकाको बजेट ७ अर्ब १५ करोड २५ लाख

पोखरा । पोखरा महानगरपालिकाले आगामी आर्थिक वर्ष २०८३÷८४ का लागि ७ अर्ब १५ करोड २५ लाख रुपैयाँको बजेट सार्वजनिक गरेको छ । महानगरको १९ औं नगर सभामा शुक्रबार महानगर उपप्रमुख मञ्जुदेवी गुरुङले आगामी आर्थिक वर्षको बजेट सार्वजनिक गरेकी हुन् । प्रस्तुत बजेट चालु आर्थिक वर्षको तुलनामा करिब १४ प्रतिशतले कमी हो ।

महानगरले विकास निर्माण (पुँजीगत) भन्दा प्रशासनिक र सेवा प्रवाह (चालु) तर्फ बढी रकम विनियोजन गरेको छ । कुल बजेटमध्ये ५५.१ प्रतिशत रकम चालु खर्च तथा ४४.९ प्रतिशत मात्रै पुँजीगत खर्चतर्फ विनियोजन गरिएको हो ।