जर्मनी भर्सेस आइभरी कोस्ट : यी जर्मन खेलाडी जोसँग आइभरी कोस्टको पनि नागरिकता छ

शनिबार क्यानडाको टोरन्टो शहरको टोरन्टो स्टेडियममा चारपटकको विश्वविजेता जर्मनी र अफ्रिकी फुटबल शक्ति आइभरी कोस्टको प्रतिस्पर्धा हुँदै छ । नेपाली समयअनुसार राति १:४५ बजे हुने यो खेल ग्रुप ‘ई’ अन्तर्गतको हो ।

यो खेलमा एक रोचक खेलाडी छन् । उनको नाम हो जोनाथन त । उनको नागरिकता जर्मनी र आइभरी कोस्ट दुवै देशको छ । आइभरी कोस्टका पिताका सन्तानको रूपमा जन्मिएका उनको नागरिकता दुवै देशको भएको हो ।

जर्मनीको विश्वचर्चित क्लब बायन म्युनिखका खेलाडी जोनाथनले आज आफू जन्मेको देश जर्मनीको प्रतिनिधित्व गरेर आफ्नो पुर्खौली देश आइभरी कोस्टको विपक्षमा खेल्दै छन् । ३० वर्षका जोनाथनले सन् २०२९ सम्म बायन म्युनिखमा अनुबन्धन सम्झौता गरेका छन् । सन् २०२४ मा यी डिफेन्डर खेलाडीले बुन्डेसलिगा र जर्मन कप जित्न सफल भएका थिए ।

दाँया खुट्टा चलाउने जोनाथनले क्यानडामा खेल्ने शनिबारको खेल जर्मनी र आइभरी कोस्ट दुवै देशमा भावनात्मक खेल हुनेछ । उनले केही अगाडि आइभरी कोस्टको भ्रमण गरेका थिए, र जर्मनीको विश्वच्यानल डीडब्लूलाई भनेका थिए, ‘त्यहाँ पनि समर्थक पाउनु गर्वको कुरा हो ।’

प्रकाशित मिति: शनिबार, असार ६, २०८३

१२:०१