जेनजी आन्दोलनका क्रममा जेल तोडेर भागेका अभियुक्त पुनः चोरी काण्डमा पक्राउ

धादिङ । जेनजी आन्दोलनको मौका छोपी मकवानपुरको भीमफेदी कारागारबाट फरार भएका एक अभियुक्त पुनः चोरीको घटनामा पक्राउ परेका छन् । डाँका चोरी मुद्दाका प्रतिवादी रुद्र मोक्तानसहित तीन जनालाई प्रहरीले धादिङको आदमघाटबाट ५ लाख ८० हजारभन्दा बढी नगदसहित नियन्त्रणमा लिएको हो ।

असार ४ गते दिउँसो करिब १२:१५ बजे मकवानपुरको कैलाश गाउँपालिका वडा नं. २ वैकुण्ठ बस्ने बुद्धराम मोक्तानको घरबाट ६ लाख रुपैयाँ नगद चोरी भएको थियो । उक्त चोरीमा ३३ वर्षीय रुद्र मोक्तानको समूह संलग्न रहेको सूचना इलाका प्रहरी कार्यालय पालुङबाट प्राप्त भएलगत्तै प्रहरीले व्यापक खोजी सुरु गरेको थियो ।