किसानका समस्या बुझ्दै मिराज

जेनजी अभियन्ता मिराज ढुंगानाले बागलुङका कृषकहरुसँग भेटेका छन् । देश दौडाहामा रहेका उनले बागलुङका किसानहरुसँग भेटघाट गरेर उनीहरुको समस्या बुझेका हुन् । कृषकहरुले बाँदर आतंकका कारण खेतीपाती गरेर खान सक्ने वातावरण नभएको गुनासो पोखेको उनले बताए ।

‘बागलुङमा कृषकहरुसँग भेटघाट गरियो । रोजगारीको अवसर नहुँदा त्यहाँका अधिकांश घरपरिवार खेतीपातीमा आश्रित रहेछ । तर, बाँदर आतंकले गर्दा कृषि गरेर खाने अवस्था नभएको उहाँहरुको गुनासो थियो । बाँदर आतंककै कारण कतिपय गाउँ त खाली भइसकेको रहेछ’,उनले भने ।

अभियन्ता ढुंगानाले उक्त समस्या समाधानका लागि आफ्नो समूह सक्रिय भएर लाग्ने प्रतिबद्धता जनाएका छन् । बाँदरलाई नमारिकन समस्या समाधान गर्नका लागि स्थानीय तहसँग समन्वय गरेर आवश्यक उपाय अपनाउने उनको भनाइ छ ।