नेपालको बजेटबारे बोले विश्व बैंकका प्रतिनिधि, दिए महत्वपूर्ण सुझाव

नेपालबाट हरेक दिन करिब दुई हजार नागरिक रोजगारीको खोजीमा विदेशिन बाध्य रहेको उल्लेख गर्दै उनले बजेटले यही चुनौतीलाई सम्बोधन गर्ने प्रयास गरेको बताए । उनका अनुसार सरकारले सबै क्षेत्रलाई सन्तुष्ट पार्ने परम्परागत शैलीभन्दा आर्थिक वृद्धि र रोजगारी सिर्जनामा केन्द्रित रहेको जनाए ।

सिस्लेनले बजेटले निजी क्षेत्रलाई आर्थिक वृद्धिको प्रमुख चालकका रूपमा स्वीकार गरेको पनि जनाए । व्यक्तिगत आयकर छुटको सीमा वृद्धि, औद्योगिक कच्चा पदार्थमा कर कटौती, भन्सार संरचनाको सरलीकरण तथा केही वस्तुमा अन्तःशुल्क हटाउने निर्णयले नेपालमा लगानी र उद्योग व्यवसायलाई प्रोत्साहन गर्ने विश्वास उनले व्यक्त गरे।