कैदीबन्दी भगाउने प्रकरणमा मनिष झा र हरि ढकालमाथि अनुसन्धान सिफारिस

राष्ट्रिय मानव अधिकार आयोगले नख्खु कारागारबाट कैदीबन्दीहरू भागेको घटनासम्बन्धी अनुसन्धान प्रतिवेदन सार्वजनिक गर्दै राष्ट्रिय स्वतन्त्र पार्टी (रास्वपा) का सांसद मनिष झा र हरि ढकालमाथि पनि अनुसन्धान गर्न सिफारिस गरेको छ।

आयोगका अनुसार घटनाक्रममा उनीहरूको भूमिका र संलग्नताको विषयमा थप छानबिन आवश्यक देखिएको छ। प्रतिवेदनमा कारागारका जेलर सत्यराज जोशी र रास्वपा सभापति रवि लामिछानेले दिएको बयान एक-अर्कासँग मेल नखाने उल्लेख गरिएको छ।