तरुण एकता कपको उपाधि नरहरिनाथलाई

नेपाल तरुण दल कालीकोटले आयोजना गरेको प्रथम तरुण एकता कप भलिबलको उपाधि नरहरिनाथ गाउँपालिकाले जितेको छ। कालीकोट सदरमुकाम मान्मस्थित खुलामञ्चमा शनिबार सम्पन्न फाइनल खेलमा खाँडाचक्र नगरपालिका-६ लाई पछि पार्दै नरहरिनाथ-४ ले उपाधि जितेको हो। खाँडाचक्र-६ उपविजेतामा सीमित भएको छ।

उपाधिसँगै नरहरिनाथले ७० हजार रुपैयाँ नगद, कप र मेडल प्राप्त गरेको छ। उपविजेता खाँडाचक्रले ४० हजार रुपैयाँ नगद, कप र मेडल पाएको हो।