यूएईको ‘फ्री जोन’ कलेजबारे गुनासो बढेपछि पीडित विद्यार्थीको विवरण संकलन सुरु

काठमाडौँ। संयुक्त अरब इमिरेट्स (यूएई) का विभिन्न ‘फ्री जोन’ क्षेत्रमा रहेको कलेज, विश्वविद्यालय र तालिम केन्द्रमा पठाइएका नेपाली विद्यार्थीबाट बढ्दो गुनासासँगै अबुधाबीस्थित नेपाली राजदूतावासले पीडित विद्यार्थीको विवरण संकलन सुरु गरेको छ।

दूतावासले बिहीबार एक सूचना जारी गर्दै समस्यामा परेका विद्यार्थीहरूको विवरण संकलनका लागि पोर्टल निर्माण गरिदिन अनुरोध प्राप्त भए बमोजिम परराष्ट्र मन्त्रालय, कन्सुलर सेवा विभागले पोर्टल तयार गरेको जानकारी दिएको हो।