अनुहारमा आफैँ सिलिकोन इन्जेक्ट गर्दा युवतीको अवस्था भयावह

काठमाडौँ । सुन्दर बन्ने, सुन्दर देखिने इच्छा त कसलाई पो नहोला र ? अधिकांश मानिस सुन्दर देखिन चाहन्छन् । पोल्यान्ड एयबिलमकी २६ वर्षीया एक युवतीले सुन्दर देखिने होडबाजीमा आफ्नो अनुहारलाई गम्भीर रूपमा बिगारेकी छिन्।

एल्भाले विशेषज्ञको निगरानी बिना अनुहारमा दैनिक रूपमा अवैध सिलिकोन इन्जेक्सन आफ्नो अनुहारमा लगाएकी थिइन् । ‘एल्भा’ भनिएकी ती युवतिलाई जन्मँदा पुरुष थिइन् । लामो समयदेखि आफ्नो अनुहार र शरीरप्रति असन्तुष्टि महसुस गर्दै आएकी उनले सुरुमा शरीरको बोसो घटाउने औषधिहरू प्रयोग गर्न थालेकी थिइन् । उनले ती इन्जेक्सनहरू हप्तामा दुई पटक आफैँ लगाउँथिन् ।