‘कांग्रेस नेता प्रधान नभई नीति प्रधान पार्टी हो’

काठमाडौँ । नेपाली कांग्रेसका सहमहामन्त्री किशोरसिंह राठौरले नेपाली कांग्रेस नेता प्रधान नभई नीति प्रधान पार्टी भएको बताएका छन् ।

त्रिभुवन विश्वविद्यालयअन्तर्गतको स्ववियु परिषद्को राष्ट्रिय अधिवेशनको बिहीबार काठमाडौँमा उद्घाटन गर्दै सहमहामन्त्री राठौरले पछिल्लो समयमा नीति, सिद्धान्तलाई गौण बनाएर म भए मात्र कांग्रेस बच्छ, म नभए कांग्रेस सिद्धिन्छ भन्ने भाष्य सृजना गरेर केही व्यक्तिले नीति प्रधान कांग्रेसलाई नेता प्रधान बनाउने दुष्प्रयास गरेको बताए । नीतिलाई प्रधान मानेर हिँड्न सबै तयार भए मात्र कांग्रेसले एकढिक्का भएर सबैखाले समस्याको समाधान दिन सक्ने उनले बताए ।