नर्वेमा नेपालगन्ज म्याराथनलाई प्रतिष्ठित ‘एम्स सोसल अवार्ड २०२६’ प्रदान

काठमाडौँ । वर्ल्ड रनिङको साझा संस्था एसोसिएसन अफ इन्टरनेसनल म्याराथन एण्ड डिस्टेन्स रेस (एम्स) ले नेपालको धारा नेपालगन्ज म्याराथनलाई ‘एम्स सोसल अवार्ड २०२६’ प्रदान गरेको छ। नर्वेको ट्रम्सोमा जारी एम्सको २५औँ वर्ल्ड कंग्रेसअन्तर्गत शुक्रबार राति आयोजित विशेष समारोहमा यो अवार्ड प्रदान गरिएको हो।

एम्सका अध्यक्ष पाको बोराओले नेपालगन्ज म्याराथनका संस्थापक टीएस ठकुरीलाई उक्त अवार्ड हस्तान्तरण गरे। संसारभरका रेस आयोजकमध्येबाट उत्कृष्ट एकलाई छनौट गरी प्रदान गरिने यो अवार्ड वर्ल्ड रनिङको क्षेत्रमा निकै प्रतिष्ठित मानिन्छ।