कम्बोडियामा रहेका नेपालीका लागि राहदानी नवीकरण शिविर सञ्चालन हुँदै

बैङ्कक । बैङ्ककस्थित नेपाली दूतावासले कम्बोडियामा बसोबास गर्ने नेपालीलाई लक्षित गर्दै राहदानी नवीकरण शिविर सञ्चालन गर्ने भएको छ। दूतावासले आगामी जुन २४ बुधबारका दिन कम्बोडियाको नोम पेनस्थित एनआरएनए एनसीसीको कार्यालयमा उक्त शिविर आयोजना गर्न लागेको हो। शिविर बिहान १२ बजेदेखि साँझ ६ बजेसम्म सञ्चालन हुनेछ।

विद्युतीय राहदानी ‘ई–पासपोर्ट’ नवीकरण गर्न चाहनेले राहदानी विभागको वेबसाइट ‘ https://emrtds.nepalpassport.gov.np/ ’ मा गएर अनलाइन आवेदन फाराम भर्नुपर्नेछ। फाराम भर्दा अपोइन्टमेन्ट लोकेसनमा ‘NE, Bangkok’ छानेर मिति र समय तोक्नुपर्नेछ।