५६ व्यवसायीको शेयर रोक्का गर्न भनेको सीआईबीले मनोजलाल कर्णलाई कसरी जोगायो ?

नेपाल प्रहरीको केन्द्रीय अनुसन्धान ब्युरो (सीआईबी)ले दीपक भट्टसँग जोडिएका ५६ जना व्यवसायीको शेयर रोक्का गर्न नेपाल धितोपत्र बोर्डलाई पत्र पठाए पनि हिमालय लाइफ इन्स्योरेन्सका पूर्वसीईओ मनोजलाल कर्णलाई भने जोगाउन खोजेको छ । कर्ण दीपक भट्टसँग निकट र विश्वासिलो सम्बन्ध भएका व्यक्ति हुन् ।

जबकि सीआईबीले हिमालय लाइफका अधिकांश सञ्चालकको शेयर रोक्का गर्न भनेको छ । तर त्यो सूचीमा कर्णको नाम नपर्नुलाई आश्चर्यजनक मानिएको छ । अरु व्यवसायीहरूको शेयर रोक्का गरेर कर्णलाई कसरी छुट दिइयो भनेर स्वयम् व्यवसायीहरू नै प्रश्न गरिरहेका छन् । तर सीआईबीले यसबारे थप प्रतिक्रिया दिएको छैन ।