रास्वपा महाधिवेशनमा गएका उपाध्यक्ष गिरीसँग नेकपाले माग्यो स्पष्टीकरण

कैलालीको बर्दगोरिया गाउँपालिकाका उपाध्यक्ष गणेशराज गिरीलाई नेपाली कम्युनिस्ट पार्टी (नेकपा)ले स्पष्टीकरण सोधेको छ। नेकपाले उनलाई २४ घण्टाभित्र लिखित रूपमा स्पष्टीकरण दिन निर्देशन समेत दिएको छ।

उपाध्यक्ष गिरी राष्ट्रिय स्वतन्त्र पार्टी (रास्वपा) को महाधिवेशनमा प्रतिनिधिका रूपमा सहभागी भएको भन्दै पार्टीको सुदूरपश्चिम प्रदेश समितिले उनीसँग स्पष्टीकरण मागेको हो। प्रदेश संयोजकले जारी गरेको विज्ञप्तिमा गिरी तत्कालीन नेकपा (माओवादी केन्द्र) को तर्फबाट गाउँपालिकाको उपाध्यक्षमा निर्वाचित भएको उल्लेख छ। साथै स्पष्टीकरणमा संघीय निर्वाचनमा पार्टीका उम्मेदवारलाई सहयोग नगरेको आरोप छ।