बाबुको हत्या आरोपमा आमा–छोरा पक्राउ

कालीकोट : कालीकोटमा ४८ बर्षीय सूर्यबहादुर शाहीको हत्या गरेको आरोपमा प्रहरीले आमा–छोरा दुबैलाई पक्राउ गरेको छ । सान्नित्रिबेणी गाउँपालिका–४ मेहलमुडी घर भई हाल सोही गाउँपालिका–९ मुम्रा बस्ने सूर्यबहादुर शाहीको हत्या गरेको आरोपमा उनकै श्रीमती र छोरालाई जिल्ला प्रहरी कार्यालय कालीकोटले पक्राउ गरेको हो ।

यही जेठ २७ गते साँझ ८ बजेर ३० को समयमा सान्नीत्रिवेणी गाउपालिका–९ सुपेचौरस्थित गोरेटो बाटोमा सूर्यबहादुर शाही मृत अवस्थामा फेला परेको जिल्ला प्रहरी कार्यालय कालीकोटका प्रहरी नायव उपरीक्षक हिमबहादुर खत्रीले बताए । ‘उनले भने अनुसन्धानको क्रममा उनकै छोरा र श्रीमतीको संग्लनता भेटिएकाले थप अनुसन्धानका लागि आमा–छोरालाई बिहीबार नियन्त्रणमा लिएका हौं ।’