‘हामी डोजर लिएर जान्छौँ, कर्मचारी बन्दुक बोकेर आउँछन्’

गोरखा । पालुङटार नगरपालिकाका मेयर विवश चिन्तन वनकै कारण पालिकाको विकास ठप्प भएको गुनासो गर्छन् । ‘बारीमा सालको बुटो उम्रियो भने उखेलेर फाल्नुपर्ने भयो । त्यो हुर्कियो भने न खेती गर्न पाइन्छ, न चलाउन पाइन्छ,’ उनले भने, ‘सरकारले चिलाउनेको ठुटो पनि छुन पाउँदैन । बाटो बनाउन डोजर लिएर गयो भने बन्दुक बोकेर वनका कर्मचारी पुग्छन् ।’

वन क्षेत्र पालिकाको मातहत हुनुपर्ने मेयर चिन्तनको सुझाव छ । ‘वनले नेपाली जनतालाई चोर बनायो । नियमानुसार बेचबिखन गर्न पाउँदैनन्, चोरेर बेच्न बाध्य छन्,’ उनी भन्छन् ।