पार्टीभित्रको कुलीनतन्त्र अन्त्यको प्रयासमा छौं : गुरुराज घिमिरे

नेपाली कांग्रेसका महामन्त्री गुरुराज घिमिरेले पार्टीभित्र जरा गाडेर बसेको ‘कुलीनतन्त्र’लाई अन्त्य गरी कांग्रेसलाई आम कार्यकर्ताको पहुँचमा पुर्‍याउने प्रयास भइरहेको बताएका छन् ।

प्रेस युनियन मोरङले बुधबार विराटनगरमा आयोजना गरेको पत्रकार सम्मेलनमा बोल्दै महामन्त्री घिमिरेले पार्टी सीमित नेताहरूको मुठ्ठीमा कैद हुन थालेकाले यसलाई मुक्त गर्न आफूहरू लागिपरेको स्पष्ट पारे ।