चलचित्र जाँचपास समितिप्रति निर्देशक योञ्जनको आक्रोश : नाम र मान्छे फेरिए, नियत फेरिएन

काठमाडौँ । निर्देशक जोन योञ्जनले आफ्नो फिल्म ‘रोल नं १’लाई केन्द्रीय चलचित्र जाँचपास समिति (फिल्म एक्जामिनेशन कमिटी)ले दिएको सर्टिफिकेट प्रति आपत्ति जनाएका छन् । आफ्नो फिल्मलाई बोर्डले पिजी सर्टिफिकेट दिएको भन्दै उनले समितिको नाम, मानिस फेरिए पनि नियत उही रहेको बताएका हुन् ।

उनले बुधबार सामाजिक सञ्जालमा एक पोस्ट गर्दै समितिलाई प्रश्न गरेका छन्, ‘के समाजको वास्तविक कथा भन्नु अब अपराध हो ?’। उनले समितिले फिल्मले उठाएको शैक्षिक मर्मको कथालाई समेत नबुझेको आरोप लगाएका छन् ।