म्याग्दी र रुकुम पश्चिमका नदीहरूमा जल स्तर बढ्दो, डुबान र पहिरोको जोखिम

काठमाडौँ । देशका दुई जिल्लाका नदीहरूमा पानीको सतह सतर्कता तह नाघ्दै गएकाले जोखिमपूर्ण क्षेत्रका बासिन्दालाई उच्च सतर्कता अपनाउन जल तथा मौसम विज्ञान विभागले अनुरोध गरेको छ।

म्याग्दी जिल्लाको मंगलाघाट जल मापन केन्द्रमा म्याग्दी खोलाको जल स्तर सतर्कता तह पार गर्दै थप बढिरहेको विभागले जनाएको छ। शनिबार राती ११ः४० बजे एक सूचना जारी गर्दै विभागले नदी तटीय क्षेत्रका साथै भिरालो र कमजोर जमिनमा बसोबास गर्नेहरूलाई पहिरोको जोखिमबाट जोगिन सावधानी अपनाउन भनेको छ ।