भक्तपुरको हनुमन्ते खोलामा जल स्तर बढ्दो, नदी किनार आसपास सतर्कता अपनाउन अनुरोध

काठमाडौँ । भक्तपुर जिल्लाको हनुमन्ते खोलाको जल स्तर सतर्कता तहको आसपास पुगेको छ। कौशलटारस्थित जल मापन केन्द्रका अनुसार आइतबार बिहान १२ः२५ बजे प्राप्त तथ्याङ्क अनुसार खोलाको पानीको सतह बढ्दो क्रममा रहेको हो।

जल तथा मौसम विज्ञान विभागले नदी तटीय क्षेत्रमा बसोबास गर्ने तथा नदी किनार हुँदै यात्रा गर्ने नागरिकहरूलाई विशेष सतर्कता अपनाउन अनुरोध गरेको छ। विभागले सम्भावित डुबान र आकस्मिक बाढीको जोखिमलाई मध्यनजर गर्दै बिहानसम्मै आवश्यक सावधानी अपनाउन सबैलाई आग्रह गरेको हो।