पाथीभरा केबलकार विवादमा नयाँ मोड ! ७ सदस्यीय टास्कफोर्स गठन, १५ दिनभित्र समाधान खोज्ने बालेन सरकारको तयारी

ताप्लेजुङस्थित पवित्र धार्मिक तथा सांस्कृतिक स्थल मुक्कुमलुङ पाथीभरा वरिपरि लामो समयदेखि चल्दै आएको केबलकार परियोजना विवाद समाधानका लागि सरकारले महत्वपूर्ण कदम चालेको छ।

प्रधानमन्त्री तथा मन्त्रिपरिषद् कार्यालयको निर्णयअनुसार ७ सदस्यीय उच्चस्तरीय कार्यदल (टास्कफोर्स) गठन गरिएको छ। सामाजिक विकास विज्ञ विशाल राईको नेतृत्वमा बनेको उक्त समितिलाई १५ दिनभित्र विवादको अध्ययन गरी ठोस समाधान सुझाव दिन जिम्मेवारी दिइएको छ।

कार्यदलमा परियोजनाका समर्थक र विरोधी दुवै पक्षका प्रतिनिधि, पाथीभरा क्षेत्र विकास समिति, केबलकार कम्पनी, गृह मन्त्रालय र प्रधानमन्त्री सचिवालयका प्रतिनिधिहरू समावेश गरिएका छन्।

सरकारले सबै सरोकारवालालाई एउटै टेबलमा ल्याएर संवादमार्फत दीर्घकालीन समाधान निकाल्ने लक्ष्य लिएको जनाएको छ। धार्मिक आस्था र विकासबीचको संवेदनशील विवाद समाधानका लागि यो कदमलाई महत्वपूर्ण पहलका रूपमा हेरिएको छ