'फ्री भिसा फ्री टिकट'को नीति अव्यावहारिक भएको व्यवसायीको दाबी

काठमाडौँ । वैदेशिक रोजगार व्यवसायीहरूले सरकारले लागू गरेको 'फ्री भिसा फ्री टिकट'को नीति पूर्णतः अव्यावहारिक रहेको दाबी गर्दै यसले समग्र वैदेशिक रोजगार क्षेत्रलाई नै धराशायी बनाएको बताएका छन्।

बुधबार राजधानीमा आयोजित पत्रकार सम्मेलनमा व्यवसायीहरूले हालको १० हजार रुपैयाँ सेवा शुल्कले व्यवसाय सञ्चालन गर्न असम्भव रहेको र यसले गर्दा अन्तर्राष्ट्रिय बजारमा नेपाली व्यवसायीहरूको प्रतिस्पर्धात्मक क्षमता घटेको जिकिर गरे ।