डढेको परिचयपत्र ब्युँताउन ५ सय ‘जरिबाना’, प्रश्न गर्ने दुई जना पक्राउ !

विराटनगर । विराटनगर–२ का राजेन्द्र रिजाल पछिल्लो चार महिनादेखि जिल्ला प्रशासन कार्यालय मोरङको ढोका ढकढक्याइरहेका छन्। उनको उद्देश्य कुनै ठुलो सरकारी सुविधा लिनु होइन, केवल आफ्नै ‘राष्ट्रिय परिचयपत्र’ प्राप्त गर्नु हो ।

तर, विडम्बना ! राज्यले नै सुरक्षित राख्न नसकेर आन्दोलनको क्रममा जलेको आफ्नो परिचयपत्र पुनः प्राप्त गर्न उनले अहिले ५ सय रुपैयाँ ‘जरिबाना’ सरहको शुल्क तिर्नुपर्ने भएको छ।