पर्वतको कालीगण्डकी नदीमा जल स्तर बढ्दो, सतर्कता अपनाउन आग्रह

पर्वत । पर्वत जिल्लाको मोदीबेनी जलमापन केन्द्रमा कालीगण्डकी नदीको जल स्तर सतर्कता तहको आसपास पुगेको छ। साउन १८ गते बिहान १२ः४० बजे प्राप्त जानकारीअनुसार जल स्तर थप बढ्दो क्रममा रहेको जल तथा मौसम विज्ञान विभागले जनाएको छ।

विभागले नदी तटीय क्षेत्रका बासिन्दालाई सम्भावित डुबानको जोखिम रहेको भन्दै सावधानी अपनाउन अनुरोध गरेको छ। साथै, कमजोर तथा भिरालो भू–भागमा पहिरोको खतरा पनि बढेको हुँदा त्यस्ता क्षेत्रमा बसोबास गर्नेहरूलाई बिहानसम्मै विशेष सतर्क रहन आग्रह गरेकाे छ।