कानुनमा लेखिएका उपलब्धि कार्यान्वयन नभएसम्म अनुभूति हुँदैन : बास्कोटा

काठमाडौं। कानुन, न्याय तथा मानव अधिकार संसदीय समितिकी सभापति समीक्षा बास्कोटाले कानुनमा प्राप्त उपलब्धि कार्यान्वयन नभएसम्म त्यसको वास्तविक अनुभूति हुन नसक्ने बताएकी छन्।

दलित कानुन विद्यार्थी समाजको दोस्रो राष्ट्रिय सम्मेलन तथा अधिवेशनलाई सम्बोधन गर्दै बास्कोटाले कानुनमा अधिकार सुनिश्चित भए पनि त्यसको प्रभावकारी कार्यान्वयन महत्वपूर्ण विषय भएको बताइन्।