सीप, प्रविधि र बजारसँग जोडिँदै मौरीपालन : हिमा गाउँपालिकाको पहलले जुम्लाका किसान उत्साहित

जुम्लामा मौरीपालनको उल्लेखनीय सम्भावना हुँदाहुँदै पनि प्राविधिक ज्ञान, आधुनिक व्यवस्थापन तथा रोग नियन्त्रणका चुनौती कायम रहेका बेला हिमा गाउँपालिकाले मौरीपालक किसानलाई व्यवसायिक क्षमता विकासतर्फ उन्मुख गराउने पहल थालेको छ। गाउँपालिकाले मौरी व्यवस्थापन तथा सीपमूलक तालिम सञ्चालन गर्दै किसानलाई उत्पादन, प्रशोधन र बजारीकरणसम्म जोड्ने प्रयास गरेको हो।

व्यवसायिक मौरीपालन प्रवर्द्धन, मह उत्पादन तथा गुणस्तर अभिवृद्धि र किसानको आयआर्जन वृद्धि गर्ने उद्देश्यले सञ्चालन गरिएको तालिममा ४२ जना किसान सहभागी भएका थिए। सहभागीमध्ये गाउँपालिकाका १ देखि ७ वडाका ७ जना महिला र ३५ जना पुरुष किसान थिए।