संघीयता जनताले अनुभूति हुनेगरी प्रभावकारी बनाउनुपर्छः सांसद मिश्र

नेपाली कांग्रेसका सांसद नारायणदत्त मिश्रले संघीयतालाई चाहिन्छ कि चाहिँदैन भन्ने बहसभन्दा संघीयतालाई जनताको जीवनमा अनुभूति हुनेगरी प्रभावकारी बनाउनेतर्फ केन्द्रित हुनुपर्ने बताएका छन्। सिंहदरबारमा बसेको राष्ट्रिय सभाअन्तर्गतको संघीयता सबलीकरण तथा राष्ट्रिय सरोकार समितिको बैठकमा बोल्दै उनले संघ, प्रदेश र स्थानीय तहबीच अधिकार बाँडफाँटमा अझै समस्या रहेको बताए।

मिश्रले संघीय सरकारले प्रदेश र स्थानीय तहले पाएको अधिकारमा कुनै पनि बहानामा हस्तक्षेप गर्न नहुने बताए। संघीयता प्रभावकारी बनाउन सरकारलाई निरन्तर घचघच्याउनुपर्ने उनको भनाइ थियो।