धवलजीले पार्टी छाडे जीवनकै अन्तिम गल्ती हुनेछ, अझै समय छ फर्कनुस् [भिडियो]

काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले हालै पार्टी परित्यागको घोषणा गरेका पूर्वमहामन्त्री डा. धवलशमशेर राणालाई आफ्नो निर्णय सच्याउँदै पार्टीमा फर्किन आग्रह गरेका छन्।

पार्टीको केन्द्रीय समितिको बैठकका निर्णयहरू सार्वजनिक गर्ने क्रममा सञ्चारकर्मीहरूसँग कुरा गर्दै अध्यक्ष लिङ्देनले पार्टी छाडेर गल्ती नगर्न राणा र उनी पक्षका नेताहरूलाई आग्रह गरे। पूर्वमहामन्त्री राणाले राप्रपा परित्याग गरी नयाँ राजनीतिक दल गठन गर्ने घोषणा गरिसकेका भए पनि अध्यक्ष लिङ्देनले भने राणाको उक्त कदमलाई उनको ‘जीवनकै अन्तिम गल्ती’ को संज्ञा दिएका छन्।