अमेरिकालाई ‘विनाशकारी’ कोष कटौती फिर्ता लिन एचआइभी चिकित्सकहरूको आग्रह

सयौँ एचआइभी चिकित्सक र अनुसन्धानकर्ताहरूले एड्स विरुद्धको विश्वव्यापी लडाइँमा ‘विनाशकारी हानि’ गरिरहेको भन्दै ट्रम्प प्रशासनलाई व्यापक सहायता कोष कटौती फिर्ता लिन आह्वान गरेका छन् ।

संयुक्त राज्य अमेरिका ऐतिहासिक रूपमा मानवीय सहायताको विश्वको सबैभन्दा ठूलो दाता भएको छ तर राष्ट्रपति डोनाल्ड ट्रम्पले दुई महिनाभन्दा कम समयमा ह्वाइट हाउस फर्केपछि अन्तर्राष्ट्रिय सहायतामा कटौती गर्नुभएको छ ।