हेटौंडाको प्रादेशिक थोक बजार सञ्चालन तयारी

मकवानपुर । हेटौंडामा निर्माण भएको प्रादेशिक कृषि थोक बजार सञ्चालनमा ल्याउने तयारी गरिएको छ । बागमती सरकार र हेटौंडा उपमहानगरपालिकाको संयुक्त लगानीमा निर्माण गरिएको उक्त कृषि थोक बजार संचालनको तयारी तिव्र बनाइएको हो ।

कृषि उत्पादनको बजारीकरणलाई सहज, व्यवस्थित तथा प्रभावकारी बनाउने उद्देश्यले प्रदेशको कृषि तथा पशुपन्छी विकास मन्त्रालय र हेटौंडा उपमहानगरपालिकाको समन्वयमा निर्माण गरिएको बजार सञ्चालनको प्रक्रिया अघि बढाइएको हो । उक्त थोक बजार निर्माण सम्पन्न भएको २ वर्षसम्म संचालनमा आउन सकेको थिएन । सांचलन मोडालिट, मापदण्ड र आम्दानी बाँडफाँड तथा कर्मचारी व्यवस्थापनका विषयमा निश्कर्ष नआउँदा केही २ वर्षदेखि अलपत्र अवस्थामा रहेको थियो । हाल कृषि मन्त्रालयले संचालन निर्देशिका तयार गरी हेटौंडा उपमहानगरपालिकालाई उपलब्ध गराएसंगै उक्त थोक बजार संचालनका ल्याउउने काम अघि बढाइएको हो ।